ما تمشيش

أغنية جديدة للفنان الطنجاوي مسلم يتحدث فيها عن ضحايا ذئاب التانويات و الجامعات، أترككم مع الفيديو و الكلمات.

)

كان بالها غي فالقراية ديالها تحشم من خيالها

• راسها محني فالأرض تمشي نيشان نالدار مللي الحصة تسالا

• عقلها كان نقي تفكر كيف تجي من اللولا

• صحاباتها قلال و طبعاً ماشي كسالا

• حلم ديالها تكون طبيبة

• مللي كتشوف البنات سقطوا كتجيها غريبة

• حيث هي كتبكي إذا جات من اللولا قريبة

• أما إذا جابت غير معدل مصيبة

• والديها فالدار كايعيطوا ليها غي المرضية

• عملوا كثر من جهدهم أو رباوها أحسن تربية

• وخا اللي مربي فهاد الوقت كيقولولوا نية

• حيث فالمجتمع الفاسد كيكون غير ضحية

• كبرت نقية ذكية وربي عطاها الزين

• قلبها الحنين عمرو فالدنيا كان حزين

• حتى عرفت بللي كاين فالدنيا شياطين

• و ذياب و كلاب عاملين عليها العين

* ماتمشيش باش ماتبكيش متقشي بالكذوب و خلي الشرف يعيشْ متخلي حتى ذيـــب من قلبك قريب يفرس أغلى معندك و فالصبح يغـــــيب

* ماتمشيش باش ماتبكيش متقشي بالكذوب و خلي الشرف يعيشْ متخلي حتى ذيـــب من قلبك قريب يفرس أغلى معندك و فالصبح يغـــــيب

• پوڭوص فباب الليسي واقف تالف

• موالف يضحك لبنات الناس قلبو من الرحمة ولا ناشف

• رَاد البال بللي كبرات قالها بغيت نتعارف

• حڭراتو كيفما حڭرات اللي قبل منو يمكن ألف

• خونا بقى حالف ڭابلها غير غنان

• اللي مادوخ بولد فلان دوخ بالحب و الحنان وعاد حلاوة اللسان

• كون مرة كريمة نهار بنهار الغنزورة ولات بسيمة

• صحباتها دخلوا معها قالولها متكونشي معقدة

• مسكين كيحماق عليك حشومة عليك تعملو هكذا

• عطيه النمرة دالتلفون بعد

• و هادشي عادي راكي ماشي أول وحدة

• خونا موهوب فالتمثيل كلالها عقلها

• بالها اللي كان مشغول بالقراية دبا بيه تبلا

• ولات ترجع للدار مفافية و معطلة

• والديها فغفلة باقيين كايشوفوها طفلة

* ماتمشيش باش ماتبكيش متقشي بالكذوب و خلي الشرف يعيشْ متخلي حتى ذيـــب من قلبك قريب يفرس أغلى معندك و فالصبح يغـــــيب

ء

* ماتمشيش باش ماتبكيش متقشي بالكذوب و خلي الشرف يعيشْ متخلي حتى ذيـــب من قلبك قريب يفرس أغلى معندك و فالصبح يغـــــيب

• واحد النهار قالها بغيت نكونوا الراس فالراس

• حيث كان مأكد بللي صافي بغاتو بلا قياس

• دغيا زرّفها وخلاها تهرب من الكلاس

• مشات معاه وهي تايقة بللي ولد الناس

• دخلات برجلها حتى وصلات نفراش الفخ

• عاد عرفات بللي الشرف ديالها غايتوسخ

• شافت كيف الحبيب ولا ذيب فلحمها يفرس

• بقات مصدومة وغير كاتبكي بلا حس

• الوحش سالا فتح لها الباب تمشي فحالها

• حالتها حالة باقة متاقت بللي جرالها

• قلبها مجروح و خايفة من الدمعة تفضحها

• تقلب الصفحة ولا حسن لها تقول مالها

• مشالها كولشي بقى لها غير السر المدفون

• عارفة بللي السر شحال مابقى عايخون

• و الذيب باقي فباب الليسي فاين كايكون

• مخاسر والو بدل غير التلفون

* ماتمشيش باش ماتبكيش متقشي بالكذوب و خلي الشرف يعيشْ متخلي حتى ذيـــب من قلبك قريب يفرس أغلى معندك و فالصبح يغـــــيب

ء

* ماتمشيش باش ماتبكيش متقشي بالكذوب و خلي الشرف يعيشْ متخلي حتى ذيـــب من قلبك قريب يفرس أغلى معندك و فالصبح يغـــــيب